स्कूल क डगरिया मइया बहुते नीक लागे ,
हमके स्कूल जाए दा दा जाए दा दा । ....2
जाय के पढ़ब हम, लिख ब हम,
हमके स्कूल जाए द।
तोहरे ही चरनिया मइया, लिहले आशीष हो,
करब नाम रोशन माई-बाबू क जरूर हो।
देशवा क नमवा मईया हो..... 2
जाय के पढ़ब हम, लिख ब हम,
हमके स्कूल जाए द।
चुल्हवा क धुंहवां मइया,
अखियां के जरावे ला।
बाबूजी क फाटल ऐडिया,
करेजवा के फाड़े ला।
जिनगी के बदलब मइया.. हो हो....(2)
बने द कलेक्टर,
हमका स्कूल जाए द।
जाय के पढ़ब हम, लिख ब हम,
हमके स्कूल जाए द।
गुरु जी क बतिये
हमके बड़ा निक लागे,
ज्ञान क ज्योति हम सब में जगावे।
शिव बन जाब मइया.... हो हो ...(2)
बदल देब नसीब,
हमके स्कूल जाय द।
जाय के पढ़ब हम, लिख ब हम,
हमके स्कूल जाए द।
शिवम् सिंह
सहायक अध्यापक
प्रा०वि०लखेसर
Comments
Post a Comment